Cabasho shacabka Muqdisho: Lacag dhan $5,000 oo la sheegay in guri kasta laga qaadayo
Shacab ku nool Muqdisho ayaa walaac ka muujiyay qorshe la sheegay in guryaha laga qaado $5,000 oo loogu talagalay mashruuca “Sabarloogu Digital”, iyagoo sheegay inaysan awoodin culays dhaqaale oo cusub.
Muqdisho — 31 Agoosto 2026 — Qaar ka mid ah shacabka ku nool magaalada Muqdisho ayaa walaac iyo cabasho ka muujiyay qorshe la sheegay in guryaha magaalada laga qaado lacag dhan 5,000 oo dollar, iyadoo lagu sheegay in lacagtaas loogu adeegsanayo mashruuc la xiriira “Sabarloogu Digital”.
Mashruucan, oo horey loo qorsheeyay cidda ka shaqaynaysa iyo cidda lacagta qaadanaysa, ayaa maalmahan la horgeyn doonaa Duqa Caasimadda Muqdisho, Mungaab. Isaguna waxaa la filayaa inuu shacabka ku qasbo fulinta hawshaas.
Cabashada shacabka ayaa kusoo beegmaysa xilli Muqdisho ay ka taagan yihiin muranno la xiriira dhulka, guryaha iyo burburinta qaar ka mid ah dhismayaasha. Duqa Muqdisho ayaa dhowaan ka hadlay xiisadda dhulka, isagoo sheegay in dadka haysta dukumentiyada saxda ah aan dhulkooda la taaban doonin.
Qaar ka mid ah dadka Muqdisho ayaa sheegay in xaaladda dhaqaale ee shacabka ay adag tahay, isla markaana aysan awood u lahayn in hal mar laga qaado lacag dhan $5,000, iyagoo dowladda ugu baaqaya in aan la saarin wax waajibaad dhaqaale ah oo aan la hayn sharaxaad iyo hannaan cad oo sharci ah.
“Shacabka nolosha ayaa ku adagtahay, guryaha iyo dhulkana waxaa ka taagan cabashooyin badan. Haddii lacag kale oo kumanaan dollar ah lagu soo kordhiyo, shacabka waa ay sii dhibaatoonayaan,” ayay cabashada shacabka ku soo koobayaan.
Qoraaga: Fethi Ali Sherif
Faallooyinka
Cabdi H.
Warbixin fiican. Waxaan rajeynayaa in la sii daba galo horumarka mashruuca.
Warar kale oo aad xiisayn karto
Baarlamaanka Federaalka oo si buuxda u ansixiyay miisaaniyadda sanadka 2026
Miisaaniyadda cusub ayaa diiradda saaraysa amniga, waxbarashada iyo dib-u-dhiska kaabayaasha dhaqaalaha ee gobollada.
Cabdiraxmaan Yuusuf·48 maalmood ka hor
Nabadda iyo xasilloonida Jubaland: Nimco ka muuqda deegaannada, shacabku wada nool yihiin walaaltinimo
Madaxweynaha Jubaland Axmed Maxamed Islaam oo lagu bogaadinayay dadaalka nabadda iyo midnimada, Ciidanka Jubalandna oo habeen iyo maalin taagan ilaalinta amniga shacabka.
Fethi Ali Sherif·35 maalmood ka hor
Muxuu Xasan Sheekh iskaga beddelay askartii sida gaarka ah ugu qornayd qaar ka mid ah xalay?
Qaar ka mid ah askartii sida gaarka ah ugu qornayd Madaxweyne Xasan Sheekh Maxamuud ayaa xalay laga dhaafay Villa Soomaaliya, kaddib muran dhulal oo dhex maray iyaga iyo Taliyaha Guutada 77-aad ee Madaxtooyada.
Fethi Ali Sherif·42 maalmood ka hor
Ciidamo hubeysan oo la sheegay inay la wareegeen xarumihii loo qorsheeyay doorashada Hirshabelle ee Beledweyne
Wararka laga helayo Beledweyne ayaa sheegaya in ciidamo hubeysan ay la wareegeen dhammaan goobihii loo qorsheeyay inuu kaga dhaco doorashada Hirshabelle, iyadoo xiisad siyaasadeed ay ka taal nidaamka doorashada.
Fethi Ali Sherif·44 maalmood ka hor