Muxuu Xasan Sheekh iskaga beddelay askartii sida gaarka ah ugu qornayd qaar ka mid ah xalay?
Qaar ka mid ah askartii sida gaarka ah ugu qornayd Madaxweyne Xasan Sheekh Maxamuud ayaa xalay laga dhaafay Villa Soomaaliya, kaddib muran dhulal oo dhex maray iyaga iyo Taliyaha Guutada 77-aad ee Madaxtooyada.
MUQDISHO — Sida ay ogaatay SomaliView, qaar ka mid ah askarta sida gaarka ah ugu qoran Xasan Sheekh Maxamuud ayaa xalay gabi ahaanba laga dhaafay Madaxtooyada Villa Soomaaliya, kadib markii ay si toos ah iskugu dhaceen iyaga iyo Taliye Maslax, oo ah Taliyaha Guutada 77-aad ee Madaxtooyada.
Arrinta dagaalka ayaa lagu sheegay inay hadhayaysay maalmihii dhawaa, iyadoo muranka salka ku hayo dhulal ay isku calaamadsadeen askartaasi iyo Taliyaha Guutada 77-aad.
Sida xogta ay heshay SomaliView tilmaamayso, muranka ayaa ka dhashay dhulal badan oo ku yaalla magaalada Muqdisho, kuwaas oo qaar laga iibsaday, halka qaar kalena ay yihiin dhulal hoy-degaan ah oo guryo laga dhisayo, kuwaas oo la sheegay inuu Taliyuhu leeyahay.
Askarta oo hal beel ah, gaar ahaanna ka soo jeeda jufada Madaxweynaha, ayaa iyaguna dhankooda dhul ku wareegsaday ciidamo iyo waardiyayaal hubaysan.
Taliyaha oo arrintan maqlay ayaa si degdeg ah ugu yeeray askartii, isaga oo ku amray inay si degdeg ah u baneeyaan goobaha ay qabsadeen, isla markaana askartu ay ka qaadaan dhulka ay ku wareejiyeen waardiyayaasha hubaysan.
Hase yeeshee, arrintu waxay isu beddeshay muran iyo qaylo, iyadoo mid ka mid ah askarta uu ku yiri Taliyaha: "Annaga maxaad nagaga awood badan tahay?"
Xaaladda ayaa kasii dartay kadib markii mid ka mid ah askarta uu furay qorigiisa, isaga oo ku dhaartay inuusan dhulkaas wareejinayn.
Qaylo iyo sawaxan kadib, Odayga Xasan Sheekh ayaa la sheegay inuu arrinta soo kala dhexgalay, isaga oo isku dayay inuu xaaladda dejiyo.
Ugu dambayn, kadib salaaddii Subax, Madaxweynaha ayaa la sheegay inuu amar ku bixiyay in nimankaasi laga dhaafo goobta Madaxtooyada, isla markaana sharciga la mariyo.
Arrintan ayaa kusoo beegmaysa xilli muranka la xiriira dhulalka magaalada Muqdisho uu marayo heer aan caadi ahayn, iyadoo xitaa la sheegay in ciidamo iyo saraakiil isku dhinac ah ay isku dhacayaan.
Waxaa ka sii yaab badan in arrin la xiriirta dhul ay gaartay heer uu Taliye ugu dhowaan lahaa in lagu dilo.
Faallooyinka
Cabdi H.
Warbixin fiican. Waxaan rajeynayaa in la sii daba galo horumarka mashruuca.
Warar kale oo aad xiisayn karto
Dayuurad cargo oo ka duulay Juba, Muqdisho ku fadhiistay, haddana Harar Meda ku degtay
Dayuurad cargo oo la sheegay in uu iska leeyahay ganacsade Yurub ah isla markaana lagu diiwaan geliyay Uganda ayaa ka duulay Juba, xaafad ku fadhiistay Muqdisho, ka dibna ku degtay saldhigga ciidanka cirka ee Harar Meda ee Itoobiya.
Fethi Ali Sherif·47 maalmood ka hor
Boqolaal ciidan oo tababar loogu soo xiray Xananbuure oo ka goostay Dowladda Soomaaliya
Ciidamadii la tababaruayay Xananbuure ee Galgaduud ayaa la sheegay inay ka gudbeen xuduudda, iyagoo galay gudaha Deegaanka Soomaalida, gaar ahaan magaalooyinka Caleen iyo Shaygoosh.
Fethi Ali Sherif·47 maalmood ka hor
Hawlgal amni oo ballaaran oo ay ciidamadu ka fuliyeen deegaanno ka tirsan Shabeellaha Hoose
Saraakiisha ciidamada ayaa sheegay in hawlgalka lagu xoojinayo sugidda amniga waddooyinka isku xira Muqdisho iyo gobollada.
Maxamed Siyaad·48 maalmood ka hor
Nidaam amni oo cusub oo laga hirgeliyay caasimadda Muqdisho
Booliska ayaa soo bandhigay qorshe cusub oo lagu sugayo amniga suuqyada iyo dugsiyada.
Maxamed Siyaad·51 maalmood ka hor