Ciidamo badan oo la dhigay guriga Guddoomiyaha Baarlamaanka Galmudug, dhaqdhaqaaqyada xarunta oo la xakameeyay
Wararka Dhuusamareeb ayaa sheegaya in ciidamo aad u badan la geeyay agagaarka guriga Guddoomiyaha Baarlamaanka Galmudug, Maxamed Nuur Gacal, kadib khilaaf la sheegay oo ka dhex taagan isaga iyo Madaxweynaha maamulka.
Dhuusamareeb, 30 Agoosto 2026 — Wararka laga helayo magaalada Dhuusamareeb ee caasimadda Galmudug ayaa sheegaya in ciidamo aad u badan la geeyay agagaarka guriga Guddoomiyaha Baarlamaanka Galmudug, Maxamed Nuur Gacal, iyadoo sidoo kale la adkeeyay ammaanka iyo dhaqdhaqaaqa xarunta Baarlamaanka Galmudug.
Sida xogaha la helayo, Guddoomiye Maxamed Nuur Gacal ayaa qorsheynayay in uu furo kalfadhiga Baarlamaanka Galmudug, hase yeeshee tallaabadaas ayaa la sheegay in uu ka horyimid Madaxweynaha Galmudug, Axmed Cabdi Kaariye (Qoor Qoor).
Wararka ayaa intaas ku daraya in Madaxweynaha Galmudug uu tan iyo xalay Guddoomiyaha Baarlamaanka kala hadlayay in uu hakiyo tallaabada la xiriirta furitaanka Baarlamaanka.
Xildhibaan ka tirsan Baarlamaanka Galmudug oo la hadlay SomaliView ayaa sheegay in ciidamo la geeyay xarunta Baarlamaanka, iyadoo xaaladda magaalada iyo gaar ahaan xarunta Baarlamaanka si dhow loola socdo.
Ilaa hadda ma jiro war rasmi ah oo ka soo baxay Madaxtooyada Galmudug ama Guddoomiyaha Baarlamaanka oo si faahfaahsan uga hadlay sababta ciidamada loo geeyay xarunta iyo khilaafka la sheegay.
Xaaladdan ayaa kusoo beegmaysa xilli ay muuqato xiisad siyaasadeed oo ka dhex taagan hay'adaha ugu sarreeya maamulka Galmudug.
Qore: Fethi Ali Sherif
Faallooyinka
Cabdi H.
Warbixin fiican. Waxaan rajeynayaa in la sii daba galo horumarka mashruuca.
Warar kale oo aad xiisayn karto
Ciidamo hubeysan oo la sheegay inay la wareegeen xarumihii loo qorsheeyay doorashada Hirshabelle ee Beledweyne
Wararka laga helayo Beledweyne ayaa sheegaya in ciidamo hubeysan ay la wareegeen dhammaan goobihii loo qorsheeyay inuu kaga dhaco doorashada Hirshabelle, iyadoo xiisad siyaasadeed ay ka taal nidaamka doorashada.
Fethi Ali Sherif·44 maalmood ka hor
Dowladda Canada oo la sheegay inay Visa u diiday xubno ka tirsan Xafiiska Ra’iisul Wasaare Xamse Cabdi Barre
Safarkii Ra’iisul Wasaare Xamse Cabdi Barre ee Canada ayaa la sheegay inuu dib uga baaqay, kaddib markii Dowladda Canada ay Visa u diiday xubno sare oo ka tirsan Xafiiskiisa, isagoo safarkiisa u weeciyay Qatar.
Fethi Ali Sherif·45 maalmood ka hor
Hadalkii Xasan Cali Khayre oo Dowladda Federaalka geliyay cadaadis — Bangiga Adduunka oo ka jawaabay doodda dhaqaalaha Soomaaliya
Xogta Bangiga Adduunka oo muujisay in heerka bixinta maalgelinta uu yahay 29.4% sanadka 2026 ayaa sii kicisay dood ku saabsan lacagaha aan la isticmaalin.
Fethi Ali Sherif·47 maalmood ka hor
Wada-hadallo siyaasadeed oo ka furmay Muqdisho: Maxay ka soo bixi kartaa?
Dowladda federaalka iyo dowlad-goboleedyada ayaa isku raacay ajende ka kooban afar qodob.
Cabdiraxmaan Yuusuf·49 maalmood ka hor